قصه مشوقه كامله جميع الفصول قراءة ممتع
المحتويات
أرجع... دلوقتي انا لازم أخرج
ميساء پغضب على فين هااا...بقولك عايزة أرجع بيتي...!!
مالك وقف وظبط هدومه وشعره وفتح باب الشقه وبصلها ببرودمع السلامة...!
وقفل الباب وخرج...واتحرك بالعربية لحد ما وصل الفيوم من جديد وبعدها حط خط الفون وكلم خليل
مالكالنهاردة تقدر تعتبر كل حاجة تمت...
مالك خلاص مانا رديت اهو
خليل طيب استعد عشان هتخطفه النهاردة مش عندنا وقته نخسره... عشان أخوها هنا وشكله هياخدها معاه...وكده موضوع الخطڤ مش هيكون سهل زي دلوقتي...تعال فيه شباب هتساعدك ويكونوا جنبك لحد ما ټخطفوه ويسهلو طريقك...وانا قدام البيت اهو
خليل قالها على العنوان بالظبط...
....................................
خليل بعد ما كلم مالك رن على فادي
فادي ده يا جماعة يبقي عم عمر الصغير في ناس نسيت الاحداث بس في الحلقة الأخيرة فادي زور مۏته وانا قولت كده فادي وقتها قتل اخوه فارس وبعدين حط چثة مكانة وزر تحليل ال DNA للچثة وهو دلوقتي مېت بالنسبة للكل لكن في قلة بس اللي يعرفو إنه عايش...وكلهم للأسف مفيش حد منهم كويس
فادي أهلا خليل ...هااا إيه الاخبار عرفتو ټخطفو الولد...!
خليل لأ لسا بس شوية وهكلمك واديك اخبار حلوة
فاديوانا في انتظار انا استنيت وصبرت كتير مفيش مشكلة لو استنيت اكتر...
فاديبص انا مش فارق معايا إنتوا هتعملوا إيه...كل اللي فارق معايا هي النتيجة وبس...إنت فاهم النتيحة... والنتيجة هي إن ابن عمر هيكون في أيدي...!
خليل بثقةمتقلقش...
فادي بوعيدلما يكون ابنك يا عمر في أيده وجوده في أيده معناه ثروة الصياد كلها في أيدي...عشت كتير بحلم باليوم اللي اقټلك فيه زمان عشان اخد الثورة دي...واشتغل على كيفي...!...لكن دلوقتي لو قټلت ثروتك هتروح لابنك...ولما إبنك ومراتك يكونوا في أيدي لما اقټلك الثروة مش هتروح لمالك إبنك...هههه لأ هتبقي ليا...مراتك وابنك هيبقو في أيدي قريب ووقتها مش هخليك لحظة واحدة على قيد الحياة
فادي قرب منها بسخريةتؤتؤ...مش عاجبك كلامي...!!...نسيت إنك بتحبي عمر وپتموتي فيه...زعلانة إني عملت فيكي كده...!! وبعدين شال اللزق من علي بوقها
مرفت بحدة إحنا مش اتفقنا على كده لما اديتني الدوا عشان احطه ليه قولت ليه إن الدوا ده هيخليني اخد اللي عايزه من عمر ومش هيشوف قدامه من اثره...إنت مقولتش إن ده كله هيحصل وإن ده سم ممكن ېقتله...بس الحمدلله ربنا نجاه...
فادي بتحبي للدرجة دي يا مرفت...!!...ومش عايزه ېموت...!!
مرفت بحدةأيوة بحبه پجنون...ومش هسمحلك إنك تقتله انت فاهم
فادي شدها من شعرها بغيظ انا مش هخلص من ابوك اللي كان مانعني إني اقتل عمر زمان وبعدين تطلعيلي إنتي كمان...!!
مرفت ب استيعاببس إنت قولت إن اللي حصل حاډثة...!!
فادي قعد ببرودههههه...بما أنك يا بنت أخويا المصون مش بقي ليكي لازمة ف انا هقولك كل حاجة...انا اللي قټلت فارس ابوكي...انا اللي قټلته لأنه كبر وخرف وانا مكنش عندي طولة بال ليه...مټخافيش يا حبيبتي هبعتك ليه قريب...تؤتؤ متعيطيش يا حبيبتي...على اساس إنه كان اب ليكي انتي مجرد بنته غير الشرعية من علاقته المتعددة ويا مين عالم يمكن يكون عنده غيرك... عارفة يا مرفت ابوك عمره ما حبك خالص...هو كان شايفك مصلحة واستغلك ودخلك تتجسسي على عمر لينا سنين طويلة...ما هو للأسف إحنا مش بنوثق غير في دمنا وإلا ابوكي مكنش بص عليكي وقتها أو عبرك إنتي فاهمة...ورجع حط اللزق على بوقها... دلوقتي انا هسمح ليكي تعيشي لحد ما تطمني إن عمر سبقك على القپر... عشان تعرفي غلاوتك عندي يا مرفت...
مرفت غمضت عينيها بحزن وخوف على عمر... لأن هي عارفة إن فادي بيتكلم جد وهو فعلا مش هيرحم عمر بعد ما مالك يكون في أيده....
.......................................
يوسف يا ابن الايه... لأ ناصح يا عمر
عمر شال مالك بخفة دلوقتي إنت هتاخدوا ابني الجميل العسل الهادي ده معاك ولما تقربوا توصلوا القاهرة رن عليا والباقي عليا ومش هنكمل كام ساعة وهتلاقيني انا وفريدة كمان في القاهرة وهنعدي ناخده
يوسف ده إنت لا توصف...بتقولنا ناخده وبعدين انا ارن عليك وتتحجج بيه وتيجي لأ وكمان فريدة أول ما تسمع إنه تعبان...مش هتفكر ثانية وهتطير
عمر أيوة بالظبط...وبص على شهد اللي فاتحة بوقها...اختي بتحاول تستوعب
شهد بإعجاب إنت يتخاف منك...هي بص الفكرة عادية وكل حاجة لكن إحنا لو فكرنا ألف سنة مكنش ممكن يخطر في بالنا كده...لكن إنت بكل سهولة وفي ثواني الفكرة والخطة كانوا جاهزين في ثواني...وسقفت لعمر... والله برافو
فريدة دخلتبرافو علي إيه!!
عمر قال بسرعة قبل ما شهد و يوسف يقعوا بلسانهم لأ عشان اتنازالت وهقعد معاكي هنا حتي بعد الأرواح وكل ده... عشان تعرفي انا مضحي بحياتي لاي درجة عشانك
فريدة أيوة فعلا برافو...!
.............................
في منزل المهدي
سارة قاعدة في اوضة ميساء بقلق...هي كانت المفروض بايتة مع ميساء...بس ميساء خرجت مع مالك...وسارة مقدرتش تستني ونامت ولما صحيت مش لقيت ميساء...بقت قاعدة تسأل نفسها هي رجعت ولا لأ...
آسر كان صحي ومسافر عشان شغله...بس حب يروح يشوف ميساء وحازم قبل ما يمشي
دخل على حازم الأول وكان حازم نايم بعمق كمان
آسرحازم حازم يبني اصحي...عايز أقولك كلمتين...!!
حازم بنومقول انا سامع قول...
آسر ابتسم بسخرية ومقالش حاجة وبعدين سأل حازمتمام يا حازم فهمت...!!
حازمتمام فهمت يلا أطلع برا
آسر في نفسهوالله عارف إنك منافق...قال فهمت وانا مقولتش حاجة أصلا وقال يعني لو قولت ما حازم معروف بيصحي مش فاكر حاجة ولا إني كلمته...!!
وخرج بيأس لاوضة ميساء وخبط بهدوء لأنه عارف إن سارة موجودة...هو كان بيخبط وهو واثق إنه مش هيجي رد لأن الكل نايم متأخر وهو صاحي بدري لكن خبط كده زي اللي بيجرب حظه
بعد ثواني أذنت سارة ليه بالدخول...
آسراحم احم... صباح الخير... ميساء فين
سارة بقلق واضحمش عارفه والله انا نمت قبل ما ترجع هي ومالك...ولما صحيت مش لقيتها مش عارفة إذا كانت رجعت ولا لأ...!
آسر بهدوءمتقلقيش...هي جات اكيد وممكن تكون صحيت بدري وراحت عند البحيرة...
سارة تمام...!!!
آسر خرج وهو في دماغه إنها عند البحيرة وركب عربيته وكان في طريقه للجيزة لكن بعت لحازم إنه يبقي يطمنه على ميساء...
.......................................
شهديلا عشان خاطري بقي يا فريدة خلي مالك يجي معايا عشان والله وحشني اوي... عشان لو هيبقي في خناقات بينك وبين عمر يبقي مالك بعيد
فريدة بتفكير خلاص خليه معاكي... عشان انا ناوية اټخانق مع اخواكي قد كده...
شهد بفرحةحبيبتي...ده انا هخلي مالك ينساكي من الأساس بس استني عليا
فريدة لأ ميقدرش يا حبيبتي يلا انا هجهز حاجته...لكن اللبن الصناعي بتاعه قرب يخلص...ابقي اشتري ليه وإنتي ماشية
شهدحاضر
كان مالك و خليل برة قدام البيت مع شابين كمان وكانوا واقفين متخفين...وكانوا لابسين كابات على أساس لو فيه كاميرات وهما منزلين وجهم مش هيبانوا بسبب الكاب
مالك بنفاذ صبر هندخل ايمتا أصلا المنطقة هادئة وقت العصر مفيش مخلوق هنا وبعدين المنطقة هنا مفيش غير كام بيت والنادي وغير كده مفيش اي حد
خليل بلاش غباء استني شوية...إحنا مش عارفين إذا كان يوسف البحيري بس
متابعة القراءة
