رواية بقلم يارا عبد السلام
الجزء الاول
_انتى واحده مش قد المسئوليه ام مستهتره ولا بتعرفي تتعاملى مع اطفالك ولا بتعملى حاجه في البيت كل اسبوع تجيبي ناس بالفلوس تنضفلك البيت هوا انا متجوزك لى
_ردت عليه ببرودهوا انت كل يوم نفس الاسطوانه في اي
_عاوزك تفوقي يا ريهام احسن بجد هتخلى عن مبدأي وديني واطلقك لأن وجودك بقى زي عدمه مش عاوز اخسرك وانتى بتخسريني بتجاهلك ليا ولبيتك ولابنك
_دا واجبك يا ريهام انا مش بقولك اشتغلى خدامه بس دا واجبك وانتى عارفه امى مستغنيه عن خدماتك شيلي بيتك بس واهتمى بنفسك شويه انا مش هحذرك تانى..
وسابها وخرج ورزع الباب
كان في طفل بملامح بريئه لا يتعدي الأربع سنوات واقف بيبكى من اللي هوا شايفه ودي حاجه بټأذي الطفل في السن دا لا يدري به أحد ولا يراه...
_مالك يا ابنى
_تعبان يا امى شويه
_طيب اجيبلك اكل ولا اي حاجه
_لا انا هدخل اريح شويه وصحيني كمان ساعتين
_ماشي يا حبيبي ادخل ريح وهصحيك
دخلت اوضتى افتكرت لما كنت بفضل فيها بالساعات افتكرت طفولتى اللي قضيتها فيها ولعبي مع ولاد خالتى وافتكرت ايام الشتا لما كنت بصحى على ريحه الكيكه بالبرتقال والدفا اللي كان مالى البيت كنت دائما اقول انا مش هتجوز الا لما احب وحبيت وماما مكنتش مقتنعه بيها ولسه كلمتها بترن في دماغى
ااااه يا امى كان كلامك صح فعلا الحب مش كل حاجه احنا حبنا مزادش دا بالعكس قل والنصيبه الأكبر أن في ولد بينا!
نام على السرير وحط أيده على عينه وبيفتكر شريط حياته عدى الساعتين وهوا على هذا الحال دخلت أمه وهى حزينه على حال ابنها هى كل يوم بتسمع خناقاته معاها..
_انا منمتش اصلا يا امى
قربت عليه وبكل حنيه حسست على شعره زي ما متعوده وقعدت جنبه وكأنها بتناديه ينام على رجلها زي زمان لما كان بيشكيلها همومه
وفعلا حط رأسه على رجلها بكل هدوء وغمض عينه وهى بتحسس على شعره بهدوء
مالك يا ابني
_تعبان يا امى حاسس ان هموم الدنيا ركبانى من كل ناحيه شغل وتعبان فيه وبيت هه وهوا فين البيت وزوجه تهون عليا مفيش حتى ابنى مش عارف اخد بالى منو ولا امه واخدا بالها منو انا تعبت يا امى تعبت ياريتنى كنت سمعت كلامك يا ريتنى مكنتش قابلتها اصلا..
_الحمد لله يا امي بس تخيلي عمر اللي كانت الضحكه مش بتتشال على وشه يبقى كدا انا بقيت ابص في المرايه مش عارفنى ولا بقيت عارف انا مين حاسس انى تايه في دوامه
_طيب حاول تاني مع ريهام وان شاء الله خير
_طيب انا هقوم اروح اشوف الشغل ويحلها حلال
_احم طنط ام عمر موجوده
لقت صوت والدته من وراه
_تعالي يا نور
عمر وسعلها الطريق ومشي وكان لا شئ...
تانى يوم عمر رجع من الشغل وهوا واقف عالباب سمع صوت صړيخ..
فتح الباب لقى ريهام مراته ماسكه يحيي ابنه وبتضربه ضړب مؤذي اووى
جري عليها وزقها
_اي اللي انتى بتعمليه دا انتى مجنونه ولا اي
يحيي كان بيعيط جدا
_هوا عملك اي
_قال اي عاوز ينزل يقعد مع البت اللي اسمها نور اللي لسه جايه جديد بتلم عيال العماره وكأنها طفله وتفضل تحكيلهم حواديت
_طيب وفيها اي دي حاجه تفيد ابنك
_لا انا ابنى ميتعاملش مع الاشكال دي
_وانتى محسسانى انك مخلياه مش محتاج حاجه ما شاء الله حنيه ورقه وكل حاجه ام كامله الأوصاف زي ما الكتاب بيقول
_لو مش عاجبك طلقنى
عمر قرب من يحيييحيي حبيبي انزل تحت عند تيته وباسه ونزل
يصلها بقرف
_بصي بقى انا قرفت منك ومن كل حاجه بتعمليها وانا استحملتك كتير
_اه مهو هتلاقيك شايفلك شوفه تانيه مانت بقالك يومين تحت عند امك والله اعلم عملت في دماغك اي مهى أصل امك دي حربايه وخړابة بيوت
وفجاه لقت الالم نازل على وشها
وتبعها بكلمة
_انتى طالق
و...
يتبع .
الجزء الثاني...
_انتى طالق
ولم يكتفي بهذا فجذبها من شعرها تجاه غرفة النوم..
أخرج حقيبه
_خدي لمى كل هدومك والبراندات اللي بتشتريها اوعي تنسيها والميكب وكريمات التفتيح والترطيب واه صحيح والهدوم اللي بصرف عليها كل شهر وياريتك بتعملى بيها انتى اخرك تعيشي هناك مع أهلك ومرات اخوكى تعلمك الادب انتى مش وش نعمه..
واخذ ېمزق بعض الملابس ويلقى بعضها ويضع الآخر في الحقيبه كل هذا وتلك العقربه تبكي...
لماذا تبكين وانتى الجانيه ليست المجنى عليها!
_فوق كل اللي عملتهولك جايه تشتمى امى وتقولي عليها حربايه وانتى الحربايه اصلا انتى اللي معندكيش ريحه المسئوليه ولا تعرفيها امي خط أحمر يا ريهام خط احمر وانا اسف جدا انى مسمعتش كلامها زمان ولا كنت بقيت كدا دلوقتي..
_عمر انا بحبك هتتخلى عنى بالسهولة دي
_انتى اللي اتخليتي عنى زمان يوم ماهملتي بيتك وجوزك وكل اللي هامك الموضه والفسح لا يا ريهام انا مبعتكيش انتى اللي بعتيني وبالرخيص لدرجه انى کرهت اليوم اللي حبيتك فيه ودخلتك فيه حياتى..
_للدرجادي يا عمر
_واكتر من كدا كمان يلا اتفضلي تطلعى برا حياتى وبرا البيت دا ومشوفش وشك هنا تاني وابني هيفضل معايا انتى لا تصلحي ام ولا زوجه روحي خلي البراندات تنفعك..
ثم جذبها من ذراعها بقوه واخرجها من الشقه والقاها خارجا
كان الجيران يستمعون لكل ما يحدث فهذه عادة المصريين ولا تتغير.
كانت تشعر من الخجل فهى خسړت كل شىء بسذاجتها فلا يفيد الندم بعد فوات الاوان !
نظرت إليهم جميعا
_طبعا انتو كلكو فرحانين فيا ماشي يا عمر انا هعرف اخد حقي منك ازاي
_اتفضلي تطلعى برا وحقك كدا كدا هيوصلك مع إجراءات الطلاق
بدأت الهمهمه وصعدت والدة عمر
_في اي يا ابنى اي اللي حصل لكل دا
_ادخلى يا امى. وانا اقولك
ثم نظر إليهم
_اي مش المسرحيه خلصت انفضلوا بقى
دخل واغلق الباب
_فين يحيي يا امى
_عند نور يا ابنى بيلعب معاها
تنهد عمر وقص لامه كل ما حدث وأنه أصبح لا يستطيع العيش معها خصوصا بعد أن رآها ټضرب ابنه بهذه الطريقه..
_طيب استهدي بالله يا ابنى ودي مهما كان أم ابنك مش كدا
_دي ضړبت ابنى وشتمتك في غيابك
_انا مسامحاها
_وانا مش مسامحها وعلى حثتى ريهام تدخل البيت دا تاني انا طلقتها خلاص وانا عندي استعداد ادفع كل الفلوس اللي عليا لو هبقى مديون
_وابنك
_ابنى مكنش حاسس بوجودها اصلا علشان يحس بغيابها ومتقلقيش انا هاخد بالي منو حتى لو هفضالوا
_طيب يبنى ربنا يهديك ويعينك عليها هى واهلها..
اتنهد
_ان شاء الله يا امى كل شىء هيبقى خير متقلقيش انا بس عاوزك تدعيلي
_بدعيلك يبنى والله ربنا يجعلك في كل خطوه سلامه ويهديك ويعافيك
_باس أيدهاربنا يخليكي ليا يا ست الكل
_ماشي يا ابنى انا هنزل انا
وهخلي يحيي معايا النهارده علشان انت تشوف حالك ونشوف هتعمل اي
_ماشي يا امى
قمت دخلت غيرت هدومي وارتاحت شويه بعد عناء شغل إلا أنه لا يوجد معنى السعاده ظل يفكر فيما سيحدث لكنه ذهب في سبات عميق..
استيقظ عمر وكانت الساعه ٨صباحا..
ارتدى ملابس العمل ونزل لكي يصبح على والدته كالعاده
خبط الباب
الباب انفتح
راي تلك الحوريه الذي رآها من قبل والتى تدعى نور وهي فعلا نور
_احم هوا انا غلطت في الشقه ولا اي
_لا خالص طنط جوا وانا كنت ماشيه اصلا عن اذنك
اختفت من أمامه وكأنها رأت شخصا مرعبا أو كأنها رأت وحشا نظر إليها باستغراب ثم تجاهلها ودخل
_صباح الخير يا امي
_صباح الفل يا ابنى
_فين يحيي
_جوا يبنى بيفطر اقعد أفطر معاه ونور جوا
_تقريبا نور دي مشيت
_مشيت اي دي هي اللي جابت الفطار
_ادخل يا ابنى لما أشوفها
_حاضر
دخل عمر وراي طفله الذي لا يتعدى الرابعه من عمره ويري كل هذا أمامه يريد الا يشعر يحيي بتلك المأساة فيما بعد ويستطيع أن يمحى تلك الذكريات...
انا عارف انى أثرت معاك كتير بس معلش يا ابنى ڠصب عنى انا عارف انك عمرك محسيت ولا بحنان ام ولا اب بس اعمل اي امك السبب اللي كانت المفروض تشيل البيت في غيابى ډمرته وقى بيت هش من غير اثاث ولا دفى.
الباب خبط
وكان يظن أن والدته عادت
فتح الباب وكان يوجد رجل غريب يظهر عليه أنه محضر..
_حضرتك استاذ عمر
_ايوا
_في دعوة حضانه مرفوعه عليك ومعاها دعوة ط لاق ونف قه
_اي!
و
يارا_عبد_السلام
دعوة_حضانه
الاسكريبت الجزء الثالث. دعوى_حضانه
_في دعوى حضانه وطلاق ونفقه مرفوعه عليك
_اي!
_ممكن حضرتك تمضي هنا
خدت القلم ومضيت اسمي مكان التوقيع وبدأت اجمع الاحداث اتشتت فعلا كنت مستنى منها كدا بس مش بالسرعه دي
امي جت وسالتنى لانها شافت المحضر اللي كان هنا
_في اي يبنى والمحضر كان هنا بيعمل اي
_كان هنا علشان دي
أعطاها الورقه واحست الأم أن ولدها يشعر بالتعب فزوجته تسرعت في هذا الحكم
_معلش يا ابنى ربنا مش بيسيب حد
_انا مش زعلان يا امى انا مكنتش عاوز الموضوع يوصل للمحاكم انا عندى استعداد ادفع لها اللي هى عوزاه بس تبعد عنى وعن ابنى بس
_خلاص يبنى روح وحاول تتفاوض مع اهلها يمكن يوقفوها
_يماما انتى غلبانه اووي بس انا هقدر اقف قدامها وهتشوفي ابنك هيعمل اي
سلام يا امى وخلي بالك من يحىى
نزلت روحت لصاحبي فاتح مكتب محاماه كبير وليه في القضايا دي
_ممكن استاذ شادي لو سمحتي
_ثوانى يا فندم هبلغه
_تمام
_اتفضل
_عمر عامل اي
_الحمد لله
_كنت عاوزك في خدمه كدا
_اي اؤمرنى
_انا طلقت ريهام وهى دلوقتي رافعه قضيه طلاق ونفقه وحضانه وانا عندى استعداد لاي تكاليف حتى لو هستلف بس يحىى ميترباش مع الست دي
_تمام يا صاحبي بص في الحاله دي الأب يا اما بيتجوز واحده ابنه متقبلها وبيحبها وهى تكون كويسه ودا بيحسن القضيه وبيخلي القاضي يحكم بكدا دا بجانب طبعا ان احنا هنطلع ريهام ام لا تصلح وأنها بتعامله معامله سيئه ودا على حسب كلام يحيي برضو
_كل دا سهل يا شادي بس اهم حاجه انت تمشي في الاجراءات وفعلا انا لو كنت عارف ان ريهام تصلح كنت سيبتوهولها لكن هى عوزا ټحرق دمى مش اكتر وهى اصلا مش بتحب ابنها ولا بتحبنى مش بتحب الا نفسها ودا اللي اكتشفته مؤخرا
_اهدى يا عمر وان شاء الله همشي في القضيه دي على قد ما اقدر وهظبطلك الدنيا
_شكرا يا صاحبي مش عارف اقولك اي عن اذنك
نزلت من عنده روحت الشركه وانا بفكر في مين هتصلح تكون زوجه ويحيي يحبها !
ويا تري انا هقدر اكمل بعد كدا ولا حياة ريهام هتأثر عليا ولا انا اصلا هشوفهم كلهم ريهام!
لقيت رقم حمايا بيتصل بيا قصدي اللي كان حمايا
_الو
_ايوا يا عمر انا بتصل بيك علشان اقولك انى مش هسكت على اهانه بنتى ولا الكلام اللي قولتوهولها ولا هدومها اللي جت بيها متقطعه ولا خرجتك ليها من البيت قدام اللي ميسواش كأنها عامله عامله
_اي انت بتقول اي فستان اي اللي مقطع انت بتقول اي انا معملتش في بنتك حاجه دي كدابه بنتك كدابه بنتك دي لاتصلح تكون ام دي تفسد ولادها بكدبها دا
_بص يا عمر بنتى مش بتكدب وانا هعمل محضر ضدك انك اتعديت علي بنتى بالضړب والإهانة وكل دا وهوريهم الفستان اللي مقطوع انت عارف انا ممكن اعمل اي كويس وعارف انت بتكلم مين وانا هعرف انى اخد حق بنتى منك يا عمر وهرجعلها حقوقها وابنها كمان..
_تمام اللي انت عاوزوا اعمله بس مش هرد ولا هبرر لانك للاسف مخلف شيطانه مش بنى ادمه
وقفل السكه
اتنهد عمر بتعب وخنقه
هوا انا لي عملت في نفسي كدا ولى بيحصلي كل دا...
روحت البيت وطلعت...
وبس يا سيدي الأمير والاميره عاشوا في تبات ونبات وخلفوا صبيان وبنات حلوه القصه ولا بتوته
لا حلوة اوي يا نور قوليلنا واحده كمان
وبدأت تحكيلهم القصه
وانا واقف بسمع القصه معاهم كأنى واحد منهم منكرش انى لما سمعتها وشوفت طريقتها حسيت براحه وحب ودفا ونسيت كل اللي حصلي
فوق لنفسك يا عمر مش كدا انت لسه بتطلق
لقيت نفسي بنادي علي يحيي
_يحيي
لقيتها بصتلي واتخضت نفس الخضه اللي شوفتها في عينيها قبل كدا وبعدت رأسها وبصت الناحيه التانيه انا حسيت انى فيا عيب وكبير كمان يا تري انا فيا اي لكل دا!
_بابا
_اي يا حبيبي
_اتجوز طنط نور انا بحبها اوووي خليها معانا على طول مش ماما مشيت ومش هترجع تانى
_اي الكلام دا يا يحيي
_انا اسف يا بابا بس انا مش بحب ماما انا بحبك انت وطنط نور علشان هي مش بتزعقلي ولا تضربني ولا بتلسعني بالسکينه في ضهري
_اي تلسعك في السکينه بتقول اي
_اي يا بابا
_ورينى ضهرك يا يحىى
_اي يا بابا انت هتلسعنى زي ماما
_لا يا حبيبي هشوف حاجه بس
رفعت القميص زهلت لما شوفت المنظر دا اعصابي اټدمرت حرفيا بقتش شايف قدامى غير كتله رماد جمره من الڼار معقول انا كنت معمى كدا معقول انا كنت مشغول لدرجه ان ابنى يحصله كدا في غيابي...
خدت ابنى وطلعت علي البيت بتاعهم
خبط علي الباب
لقيتها هى فتحتلي وبابتسامه صفرا
معرفتش امسك نفسي
قربت منها وخنقتها ايوا دي بنى ادمه مش ام اصلا
كلهم اتجمعوا وشالوها من تحت ايدي بالعافيه
مسكت يحيي وعريت ضهره
_شوفو بنتكوا الام المثاليه عامله في ابنى اي شايفين دي شوهتوا انتى مش بنى ادمه انتى شيطانه..انتى ازاي كان بيجيلك قلب لكدا
والدها قرب منها
_انتى اللي عامله كدا في ابنك
_يا بابا
من غير كلام نزل عليها بالقلم
و...
يارا_عبد_السلام
دعوى_حضانه
الاسكريبت الجزء الرابع. دعوى_حضانه
_انت بتضربني يا بابا بالقلم
_تستاهلى انا عمري ضربتك ولا اذيتك كدا انا طول عمري مدلعك لي عملتى في ابنك كدا وطالما ھتأذيه كدا خلفتيه لي من الاول انتى معندكيش مسئوليه انا مربتكيش الظاهر أن دلعى أثر عليكي
_ايوا انا مكنتش عوزا ابقى ام الولد دا جه بوظ كل حاجه شكلى مظهري حتى علاقتي بابوه وهوا السبب انو طلقنى أنا بعترف انى مش ام مثاليه بس هبقى ام مثاليه ازاي وانت اصلا مش مثالى انت اللي علمتني ان الخروجات والفسح متعه
