براثن اليزيد

خارج الغرفة متوجهة إلى غرفة شقيقة زوجها التي سمحت لها بالدخول فور أن دقت الباب دلفت إليها لتسألها قائلة بابتسامة
فين أخوكي ده المغرب هيأذن
ابتسمت الأخرى بسخرية شديدة وتهكم ثم أجابتها قائلة
سيدي يا سيدي على اللي مش قادر يستنى.. تحت ياختي في المكتب روحيله
أجابتها مروة والابتسامة تشق طريقها على وجهها متحدثة بحماس

عقبالك ياختي.. ويلا بقى حضري نفسك علشان عندنا حاجات كتير نعملها الفرح فاضل عليه أقل من شهرين 
عيوني يا جميل
تركتها مروة وخرجت بعد أن أغلقت الباب لتهبط الدرج بهدوء والسعادة تغمر قلبها تسيطر عليها لا تدري هل الأمر يستدعي كل هذا أم لا ولكن الأمر حقا غريب عليها وهي سعيدة للغاية وتريد
أن تجعله يسعد معها لذا عليه أن يرى الغرفة أولا..
ذهبت أمام باب المكتب وضعت يدها
على المقبض وكادت أن تحركه لتدلف إليه ولكن.. ليس كل ما يتمناه المرء يحدث..
زالت الابتسامة عن ثغرها تدريجيا السعادة التي كانت تدق كالطبول بقلبها الآن تدق خوفا قهرا جسدها بأكمله يرتعش تكونت الدموع خلف جفنيها وأصبحت زرقة عينيها معتمة للغاية كل ما حلمت به وكأنه كان زجاج وبغمضة عين ولحظة تهور سقط ليقع على الأرض متهشم إلى أشلاء..
كل ذلك حدث بثوان لحظات لحظات استمعت بها إلى صوت شقيقه من خلف الباب وهو يهتف بقسۏة وجدية
ضحكت عليك بت طوبار ولا ايه كفاية بقى يا ابن أمي وأبويا فات كتير أوي وده مكنش الاتفاق فين اللي اخدته منها الوقت بيعدي.. لولا بس أن أمي هي اللي سكتتنا عنك الفترة اللي فاتت كان هيبقالنا تصرف تاني
واستمعت إلى صوت عمه هو الآخر يقول بحزم شديد
إحنا اتفقنا يا يزيد أنك هتاخد منها كل اللي تملكه وترجع حق العيلة وخدنا منك كلمة راجل
ومن ثم أمه بصوتها البغيض على قلبها
كل الكلام الحلو اللي بتضحك عليها بيه ده مكفهاش والحركات الماسخه بتاعتكم دي مجبتش نتيجة علشان تاخد منها اللي أنت عايزة
حاضر بس كده هعمل كل اللي انتوا عايزينه.. ما انتوا أهلي وأولى ليا من أي حد
ومن ثم هوى قلبها بين قدميها وتركت المقبض تضع يدها على جانبها الأيسر خوفا من فقدان حياتها الدموع الآن تعرف مصارها الصحيح بعد أن استمعت إلى كلماته التي خرجت من جوفه ببساطة بهدوء وكأن شيء لم يكن وكأن ما عاشته معه كان كذبه!...
كان.. هو حقا كان كذبه ېكذب ليأخذ كل ما تملكه! ېكذب ليكون بصف عائلته الكريهة! كل ذلك كڈب كل ما مر عليهم كڈب مؤامرة.. قد قالت له قبل أن هناك مؤامرة تحدث من حولها ولم يخيب ظنها.. ولكن ما جعل القهر يسيطر عليها أنه شريك بتلك المؤامرة.
يتبع
براثناليزيد
الفصلالخامسوالعشرون
نداحسن
وقد كان الحزن في هذه الليلة يسيطر 
على الجميع والجميع هنا خاص 
ب يزيد و مروة
استكمل حديثه قائلا بجدية شديدة بعد أن وقف على قدميه أمامهم
انتوا فعلا أهلي وأولى ليا بس أنا مش أولى ليكم.. ليه مستكترين عليا الفرحة اللي
أنا فيها
وقف أمام والدته سائلا إياها باستغراب وحزن تلبسه منذ أن علم أنهم لا يريدون شيء سوى الاڼتقام والمال
مستكتره على ابنك الفرحة مع مراته امتى شوفتيني فرحان قوليلي يمكن
مش فاكر قوليلي أنا بقالي كام سنة وأنا حمار شغل ليكم لحد ما بقى عندي تلاتين سنة وعمري ما فكرت اتجوز دا انتوا اللي فكرتوا ولما فكرتوا كان علشان مصلحتكم مش علشاني ووافقت.. وافقت بعد ما كلامكم غلبني بس هي وحبها وخۏفها عليا غلبوني أكتر.. بتحبني أكتر منكم يا عالم
أجابته وهي تنظر إليه خائڤة من أن يكون حديثه صحيح متغلبه على عرق الأمومة قائلة بجدية
محدش هيحبك أكتر من أهلك
صړخ بها پعنف وداخل قلبه ېحترق لأجل كل شيء حدث معه
كدب كل ده كدب انتوا محدش فيكم حبني هي الوحيدة اللي حبتني
استدار ليقف أمام شقيقه الذي من المفترض أنه الأكبر ابتسم بسخرية وتكونت الدموع داخل عينيه محاولا السيطرة عليها تحدث قائلا
الأخ الكبير أهلا أهلا اللي مش بيفكر غير في نفسه ودلدول مراته
أتى ليتحدث پغضب حتى يصمت عن ذلك الحديث ولكن يزيد صړخ هو الآخر قائلا
اسكت خالص.. متتكلمش خالص يا ابن الراجحي ايه حړقتك ما أنت دلدول مراتك هو أنا قولت حاجه غلط ماهو ده اللي بيحصل كل يوم وفي كل ساعة وكل دقيقة وكل لحظة.. أنت عارف مراتك دي عملت كام حاجه تخرب البيوت العمرانه من وراك طبعا متعرفش ولو عرفت يعني هتعمل ايه.. ولا حاجه... بتحبوني إزاي دا أنت لما شوفت مراتي في اليوم إياه مغضتش بصرك عنها
نظر إليه بتقزز بينما أخيه أخفض وجهه بالأرض ابتسم بتهكم ثم استدار إلى عمه والذي أتى دوره ليأخذ نصيبه من هذا الحديث القاسې
عمي الراجل الوقور الصالح.. يا مليون مرحب بيك عارف يا عمي المفروض أنك الكبير العاقل الوحيد اللي فقد كتير بينا المفروض تقول لنفسك اتعظ لكن إزاي أهم شيء الاڼتقام والفلوس.. مش كده
أبتعد عنهم جميعا ووقف قبالتهم نظر إليهم واحدا تلو الآخر بهدوء والحزن يسيطر على جميع خلاياه تحدث قائلا بكسره وضعف
في ظل أنكم حسستوني أني مش مهم وانتوا شايفين سعادتي معاها.. يعني على الأقل كان المفروض تقدروا ده وتقولوا ده الواد فرحان خلاص بلاها الحكاية دي وخلوه فرحان لكن ده محصلش هي بقى كانت بتعمل كل الحلو ليا.. كنت أنا بغلط وهي تتعذر أضرب وهي تصالح وأبعد وهي تقرب هي الوحيدة اللي كانت عيلتي هي اللي حسستني بالحب والحنان الاهتمام..
نظر إلى والدته وأكمل مبتسما
الأمومة مش القسۏة وكانت الزوجة الصالحة بين كل ده إزاي عايزاني أضحك عليها وابيعها كده بالساهل.
وضع يده بجيب بنطاله ووقف بشموخ بعد أن
زال دمعه أرادت الفرار من حبس جفنه تحدث بقسۏة وجدية شديدة
اللي
عايزينه مش هيحصل.. وأهي مراتي فوق اللي عايز يطلع يقولها يتفضل يروح وكده كده هي نص ساعة بالكتير وهقولها بنفسي كل حاجه من الألف للياء.. بس وديني ما واحد فيكم يعملها قبلي ويروح يقولها ما هيبقى ليكوا حد اسمه يزيد في الدنيا دي
نظر إلى والدته متحدثا بحدة ونفس تلك القسۏة ترافقه
تنسي أن ليكي ابن اسمه يزيد
ومن ثم نظر إلى شقيقه وأكمل
وأنت تنسى أن ليك أخ من الأساس وديني وما أعبد ما هتشوفوا وشي مدا الحياة لحد ما أموت ولما أموت محدش فيكم واقف في عزايا.. ابقوا اعملوها بقى
بسرعة الرياح خرج من الغرفة وإلى خارج المنزل وعقله يكاد يتوقف عن التفكير من كثرة ما وجد فيه الآن لقد أخذ قراره اليوم ستعلم كل ما حدث لن يصمت أكثر من ذلك لن يدعها تضيع منه إلى الأبد سيقول لها كل شيء وينتهي ذلك العناء سيذهب بها إلى أي مكان تطالب به حتى يبتعد عن الجميع..
بينما في الداخل نظرت والدته إلى ابنها الأكبر وهي تفكر في كلمات
يزيد لقد كان يتحدث بحړقة وحزن لا يصف لقد عانى ابنها كثيرا وهي تزيد عليه معهم منذ شهر وجدته مرهق جعلتهم لا يتحدثون معه حتى يستريح كان عليها أن تجعلهم لا يتحدثون أبدا لقد استمعت إلى كلمات تقطع الآن نياط