يارا وادهم

تحترم
فريدة ماتتعبش نفسك يا خالد معاها دي مش بتفهم حاجة
خالد وان يكن لازم تعرف يا ماما انه بيت ومش مسموح فيه بأي تجاوزات
فريدة سيبك منها وتعالى احنا جوا
حاولت يارا أن تتجنب نظرات خالد لها بينما تحدث أدهم مع أصحابه و...
أدهم لأصدقائه تعالوا معايا
هيثم ع فين 
أدهم خارجين
باسل اوك
هيثم طب هانروح فين 
أدهم هتعرفوا
هيثم طب استنى نجيب عربيتنا
أدهم طيب
انصرف أدهم مع أصدقائه ليكملا حديثهم خارج الفيلا بينما توجه خالد مع والدته إلى داخل الفيلا وبقيت يارا بمفردها في الحديقة و..
راضي يا بنتي آآآ...
يارا متقولش حاجة يا عم راضي
راضي انتي ليه عملتي كده 
يارا يعني عاوزني أسيب الولية دي تهددك بلقمة عيشك وأقف أتفرج
راضي بس يا بنتي
يارا ديتها ايه الحكاية اني أنا اللي هاخد كلمتين لكن قطع عيشك هيبقى كتير ع حاجة ماتستهلش
راضي ربنا يكرمك يا بنتي ع اللي عملتيه معايا النهاردة 
يارا اه يا عم راضي ادعيلي الله يخليك
توجهت يارا إلى داخل الفيلا وهي متآلمة من ذراعها الذي سقطت عليه ثم دلفت للمطبخ لتبحث عن ثلج لتضعه على ذراعها و...القصه هتكمل على صفحة رومانى مكرم فقط
يارا في نفسها آآآآه الله يخربيتكم دراعي مش قادرة منه هحاول أحط عليه تلج يمكن يروق والله أنا جسمي بقى مكسر خالص أول يومين ليا في البيت ده وحصلت كل البلاوي دي اومال لو سبعت هنا ايه اللي هيحصل ربنا يستر ويعديها ع خير .. أحسن حاجة اعملها أطلع أقعد في اوضتي .. بس.. بس محدش لسه جاب النجار ! طب هاعمل أنا ايه دلوقتي طبعا لو طلبت من حد يساعدني يمكن أتنفخ ولا حاجة مممم.. الظاهر ان الليلة دي مش ناوية تعدي ع خير
في أحد الكافيهات 
باسل والله يا أدهم
أدهم بحدة متحلفش بالله بس !
باسل انت مش مصدقني
أدهم لأ طبعاااا هو أنا مش عارفكم
باسل طب سكت ليه 
أدهم مش عارف
هيثم بس يا ادهم احنا مكوناش نقصد نجي جمبها باسل كان مفكر ان دي البت اللي كانت مضايقاك فحب بس يرخم عليها
ادهم ترخم ع بنت عمي 
باسل وهو يقبل رأس أدهم والله ما أعرف انها بنت عمك ويا عم متزعلش حقك عليا
هيثم وبعدين ماهي لو كانت عاوزة تقول اننا عملنا فيها حاجة مكنتش هتسكت يعني
أدهم ما هو ده اللي أنا مستغربه
باسل فوضونا من السيرة دي وتعالوا نرقص شوية 
هيثم اوووبا
باسل يالا يا أدهم فكها بقى
أدهم اوك
ظل خالد في غرفته يزفر في ضيق مما حدث هو يعلم أن يارا ليست من تلك الفتيات التي يفرضن أنفسهن على الرجال ولكن اثباتها لما حدث جعله يشعر بالحيرة والڠضب و....
خالد في نفسه لأ مش معقول يارا مش كده مهما كان الست نجاة الله يرحمها كانت مربياها كويس بس هي قالت كده ليه أنا هتجنن من اللي حصل !! ليه عملتي كده يا يارا ليييييه 
في فيلا ناهد الرفاعي 
أوصل جاسر أخته إلى فيلتهم وظل طوال الطريق صامتا وما إن وصل للفيلا حتى صعد إلى غرفته
ناهد مال أخوكي
شاهي معرفش يا مامي طول الطريق وهو لاوي بوزه كده
ناهد لاوي بوزه طب ليه 
شاهي مش عارفة بس عاوزة احكيلك ع حاجات كتير حصلت النهاردة عند أنطي فريدة
ناهد استر يا رب
شاهي في الأول يا مامي ح.........
طرق جاسر باب غرفته بكل قوة خلع ملابسه وهو حانق من يارا و...
جاسر لنفسه ازاي تسمح لنفسها انها تهزر مع شباب بالشكل ده !! بس ..بس لأ هي كان