قاصر
المحتويات
عايز سلامتك في حفظ الله
مريم مع السلامة
هشام استني
مريم اي
هشام بحبك
قفلت مع هشام وكنت فرحااانة جدا بمكالمته وادركت ان الي عملته صح واحسن انا عندي جوزي بيحبني وبنتي وعندي عيلة مش مهم التعليم الواحدة ملهاش غير جوزها وبيتها في الاخر ..
عدت الايام علي الحال دا ..كنت مرتاحه علي الاخر مكنتش بعمل حاجات
كتير في البيت..وناريمان مع ماما وبابا دوما بس كانوا بيتضايقوا بس ساعات من صريخها وعياطها..وهشام الي كان بيتصل بيا اول ما يصحي وقبل ما ينام وبيكلمني فيديو ويبعتلي صورهه هناك والايام جميلة وهادية وكل حاجه تمام !
هشام اتصل بيا وقالي انه نازل مصر تلات ايام فرحت واخدت بنتي ورجعت شقتي نضفتها ورتبتها وروحتله المطار و استقبلته وكانوا احلي تلات ايام في عمري خصوصا اني وديت ناريمان عند ماما وسيبتها هناك خرجنا واتفسحنا لحد ما هو رجع تاني وانا رجعت لماما تاني
وفضلت عندها والايام حلوة لحد ما في يوم حسيت اني تعبانة ودايخه روحت للدكتور
مبرووك ي مدام..انتي حامل
مريم حامل!
لينك البارت الرابع
_قاصر
p 4
الدكتور مبروك يا مدام انتي حامل
مريم حامل!
الدكتوراهاتفضلي دي شويه ادويه تلتزمي بيهم وحاولي متتحركيش كتير عشان الحمل يثبت انتي لسه في الشهر التاني
ياااا رب ..انا مش معترضة علي قضائك بس انا مش عايزة عيال تاني..مكنتش عايزة اخلف دلوقتي انا مش قادرة علي ناريمان وزنها وعياطها هجيب كمان واحد ولا واحدة !
كنت متضايقه جدا بس رضيت بقدر ربنا وروحت يومها البيت وانا هفرقع اول ما دخلت
دلالخشي بسرعه ي مريم ساعدي اختك
مريم ماما انا مش فايقة والله اعمل حاجه معلش اعذريني النهاردة بكرا هبقي اعملك الي انتي عايزاه هبقي اعمل انا الغدا
مريم جاي ليه
دلالهو اي الي جاي ليه عريس..جاي يتقدم لاختك ادخلي ساعديها وشوفيها لو عايزة حاجه
دخلت لبسمة لقيتها قاعدة
بسمة انا فرحانه اوي اوي ي مريم ..
مريم ربنا يفرحك كمان وكمان ي حبيبتي..بس اشمعني دا الي انتي فرحانة بيه اوي كدا ما انتي يا ما اتقدملك ناس اشمعني دا
بسمة دا معيد عندنا في الجامعه..وبصراحه انا كنت معجبة بيه..دا غير انه مستوي الاجتماعي عالي ..وحاجه تشرف بصراحه يعني انا متخيلتش واحد زي دا ييجي يتقدملي او يفكر فيا حتي
مريم ليه يعني دا انتي الف واحد يتمناكي
مريم طب وانتي اتكلمتي معاه يعني هو عارفك واتعامل معاكي اشمعني اختارك انتي يعني
بسمة انا اتعاملت معاه بس معاملة سطحية شويه..يعني هو عرفني لاني من اوائل الدفعه دا غير انني عارفه اختك مصاحبه الجامعه كلها وعلاقاتي الكتير جدا في الجامعه وهو جه وبدأ يتكلم معايا بس كلام عادي..
دلالبسمة بسمة ..يلا اخرجي
خرجت بسمة للعريس وبعدها ماما ندهت عليا علشان اهل العريس يشوفوني ويسلموا عليا يعني..دقايق سلمت عليهم كلهم ودخلت علي اوضتي جري وقعدت اعيط..
العريس الي جاي لاختي احلي من هشام بكتير..دا غير انه اعلي من هشام في المستوي واحسن منه بكتيير..اتضايقت شويه..بس انا هغير من
اختي يعني التعليم بيفرق في الجوازات اهو..يعني عشان اختي متعلمة هتتجوز واحد احسن مني
...لا لا ي مريم ..دي اختك ..وبعدين هي عندها 23 سنة ولسه متجوزتش
ولا عندها عيال وعقبال ما تتجوز هتكون وتخلف هتكون كبيرة
وبعدين ممكن ميكملوش ويجيلها واحد تاني او مش اد كدا وساعتها هتتأخر في الجواز والخلفه اكتر بس ما انا عندي عيال اهو عملت بيهم اي مش عارفة اتعامل مع ناريمان واديني مش طايقه اني حامل ومش طايقه فكرة ان يبقي عندي طفل كمان !
قعدت اعيط كتير..انا مش فاهمه انا احسن ولا اختي
لو كنت كملت تعليم ومتجوزتش كانت حياتي هتبقي احسن
بس الواحدة ملهاش غير جوزها وعيالها وبيتها في الاخر..وممكن لو كنت كملت تعليم كنت اتجوزت واحد اي كلام ومكنتش هستفيد بشهادتي وتعليمي حاجه كنت مڼهارة ازاي افكر ف اختي كدا او اقارن نفسي بيها ومتضايقه اني حامل
لقيت هشام بيتصل عليا مكنتش قادرة ارد الصراحه مسحت دموعي ومسكت التليفون
هشام الو ي حبيبتي
مريم ازيك يا حبيبي .
هشام ماله صوتك عامل كدا ليه
مريم مفيش..
هشام في اي ي مريم !
احترت اقوله انا حامل ولا لا هو خلاص كام اسبوع وهينزل هعمله عشا وافاجئه يومها واقوله اني حامل وهيتبسط اوي
مريم والله مفيش حاجه اختي بس جايلها عريس انهاردة والدنيا مدربكه عندنا
هشام اي دا بجد الف مبروك
مريم الله يبارك فيك...عملت اي بقي النهاردة
بدأ هشام يحكيلي هو عمل اي والناس هناك عاملة ازاي وكدا بس انا كنت في حته تانيه خالص ومكنتش مركزة اوي مع الي بيقوله
هشام مريم مريم ي مريم
مريم نعم
هشام انتي فين ي بنتي بقالي نص ساعه بتكلم وانتي ولا هنا
مريم معلش بس سرحت شويه الا صحيح انت هترجع امتي
هشام اه كويس انك فكرتيني...انا احتمال اتأخر في الرجوع لمصر المرة دي
مريم اد اي كدا يعني
هشام شهرين تلاته كدا..مش هتأخر عن كدا ان شاء الله
مريم شهرين بحالهم دا انت مفروض تنزل كمان اسبوعين عموما تيجي بالسلامه ي حبيبي...تصبح علي خير لحسن انا عايزة انام وتعبانة اوي
هشام انتي غريبة اوي النهاردة ي مريم ...بس عموما تصبحي علي جنة
قفلت مع هشام ونمت نمت من غير حتي ما اعرف ماما اني حامل او اني اعرف اختي عملت اي مع العريس كنت عايزة اهرب من الافكار دي كلها
صحيت الصبح وعرفت ماما اني حامل رد فعلها كان عادي..باركتلي بس وعرفت ان بسمة قرت الفاتحه مع خطيبها وهيعملوا خطوبه كمان تلات اسابيع هي زعلت اني نمت وسيبتها بس مكنتش هقدر اتناقش او اسمعها حتي .
مكنتش تعبانة اوي زي اول حمل ليا. لان جسمي المرة دي كان اقوي شويه من المرة الي فاتتبس طبعا ساعات كتير كنت ببقي تعبانة ومش قادرة اتحرك او اقوم ماما كانت شايلة ناريمان عني بصراحه بس ساعات كانت بتسبهاليكانت بتقعد ټعيط وانا اقعد علي السرير واعيط من التعب الي انا فيه ومن صريخها لحد ما هي تسكت لوحدها او حد يدخل يهديها
بعد شهر
جه يوم الخطوبه بسمة عزمت فيه كل اصحابها واصحابي والجيران وناس كتير..انا اخدت يومها مسكنات عشان اقدر اساعدهم واستمتع معاه باليوم جه بليل والمعازيم بدأت تيجي قابلت كل صحابي ..الي دخلت طب والي دخلت هندسه والي دخلت اعلام وانا الوحيدة الي مدخلتش حاجه وكنت انا الوحيدة الي حامل في الخطوبه و بطني عاليه شويه ومعايا بنتي اما اصحابي فكلهم كانوا شباب وقاعدين يتضحكوا ويهزروا مع بعض وانا حتي مش قادرة اقفلو مكنتش اتجوزت كان زماني معاهم وبضحك وبهزر انا كمان
كان في كمان يارا وأسماء وعرفت ان يارا رجعت تشتغل في الشركة تاني بعد ما حمايا ابو هشام طلب منها ترجع لان شغلها عجبه جدا ... انا كنت كأني ست كبيره مش واحدة عندها 21 سنه ابدا ..
كنت في الخطوبه ببص لاختي وانا متضايقه..ڠصب عني والله ..انا بحاول ابقي عادي واحاول متضايقش لحد ما عدي اليوم الطويل دا وبعدها بأسبوعين عرفت ان صاحب البيت جاب اقرار من الحكومة انه يهد البيت لانه آييل للسقوط وهيقع..ولازم يتهد ويتبني تاني..وهنا بدأ العڈاب الحقيقي لحياتي..لان اهلي واختي هيروحوا يعيشوا في الريف..في بيتهم القديم بالرغم اني اتحايلت عليهم ييجوا يقعدوا في شقتي..ودا كان هيبقي احسن بالنسبالي وكنت كا صدقت لاني هرتاح بس ماما رفضت وموافقتش تيجي وتعيش معايا وقالتلي اني اروح اعيش معاها هي وبابا بس انا مكنش ينفع اروح الريف واعيش هناك واصلا كفايه كدا انا تقلت جداا عليهم
عشان كدا رجعت شقتي تاني روحت يومها ومعرفتش انام نهائي كل الافكار السودا في دماغي هشام بقاله فترة متصلش عليا ويارا رجعت الشغل تاني قعدت اربط الدنيا ببعضها وكنت مستنية طول الليل ومستنيه الصبح يطلع بأي شكل عشان كان لازم اروح المشورا دا ونمت وبعد عڈاب علي الساعه ٤الفجر.. وصحيت الصبح وروحت و خبطت علي الباب و
مريم !!
مريم ازيك ي يارا
يارا الحمد لله..في حاجة
مريم طب هنتكلم ع الباب
يارا اه لا طبعا أتفضلي
مريم انتي رجعتي الشغل مع هشام
ليه
يارا انا مرجعتش الشغل مع هشام ..
انا رجعت اشتغل في الشركه وده لان والد هشام عجبه طريقه شغلي
..دا غير ان في مشاكل كتير في الشركه ولازم يبقي في ناس تقدر
تحلها
مريم مشاكل اي بقي
يارا والله صعب اشرحلك..بس الاسهم بتاعت الشركه واقعه
وشركات كتير مبقتش راضيه تتعاقد معانا
ودا لان في تطورات كبيرة في مجالنا عشان كدا هشام وابوه سافروا علشان يدرسوا احدث التطورات والاساليب والتقنيات العاليه دي
ونقدر نرجع الشركه تاني..عشان كدا انا وموظفين تانيه هيسافروا هناك
مريم يعني انتي عايزة تقنعيني ان ما بين كل الناس الي اتخرجت وعاملين دكتوراه
وماچيستير وكورسات وعندهم خبرات سابقه اختارك وانتي لسه متخرجتيش .
يارا اولا الناس الي متخرجين دول بيبقوا عايزين مرتبات عاليه
اما احنا عشان لسه متخرجناش فبنرضي بالقليل عادي
دا كمان هنكسب خبرات كويسه لينا حتي لو مقبضناش فلوس وبعدين انا هروح مع ناس تانيه مش لوحدي يعني .
مريم وهتسافري امتي بقي
يارا لسه بفكر وممكن اسافر وممكن ماسفرش احتمال كبير مسافرش
مريم ليه
يارا ماما وبابا رافضين اني اسافر لوحدي في بلد غريبة فاحتمال مسافرش يعني.
.بس بصراحه دي فرصه حلوة جدا هتفرق في مستقبلي بعد كدا
سكت وقعدت شوية معاها ومشيت من عندها..مشيت وانا متلغبطه صحيح هي كانت مستغربه شوية من مجيتي ليها حتي معاملتها ليا كانت جافه وبترد علي اد السؤال بس المهم اني افهم واعرف اي الي بيحصل..حسيت انها احسن مني..بس انا احسن منها..هي هتتعب وهتسهر ويطلع عينها عشان تتجوز واحد كويس
انا اتجوزت واحد بيحبني وغني وعندي عيالي متعبتش في حاجه وهي في الاخر هتتجوز وتقعد في بيتها وهتكون عملت مجهود ع الفاضي ا لا بس هي هتسافر و بتعمل لنفسها مكانة ووضع
وبعدين هو هشام لو
عرف اني حامل هيتضايق
اذا كنت انا متضايقه
وممكن يبعد عني زي ما عمل في الاول وكدا هي هتبقي احسن..يوووووه
زهقت وتعبت
متابعة القراءة
