رواية صفقه زواج بقلم سهام صادق

المنزل ووجدت ياسمين تجلس علي التلفاز بلا مبالاه وتسمع الاغاني بأندماج
فرح السلام عليكم 
ياسمين وعليكم السلام ياستي .. 
فرح هو بابا لسا مرجعش من الشغل 
وكادت ياسمين ان تخبرهاا بما حدث لوالدها ...ولكن رن هاتفها
_ أيوه ياماما .. أه اهي جت .. ماشي هقولها
فرح بقلق فيه إيه ...مالك بتبصلي كده بابا فيه حاجه
ياسمين بلا مبالاه اصله في المستشفي .. لم تنتظر فرح ان تكمل حديثها معاها.. وفرت ذاهبه للمشفي
عبدالله بتعب شديد فين فرح ياكريمه .. جيبيهالي حالا
كريمه اتصلت بيها وجايه
عبدالله بسرعه ياكريمه .. خلاص مش فاضل كتير
في هذه اللحظه وصلت فرح ..
فرح ببكي مالك يابابا... فيك إيه
عبدالله سامحيني يابنتي .. مكنتش ليكي الاب اللي يستحقك ظلمتك كتير وجيت عليكي .. ثم نظر لكريمه بكره ..ابقي افتكريني يافرح وادعيلي ياحببتي 
فرح بدموع انت ليه بتقول كده يابابا ... اوعي تسبني لوحدي انا ماليش حد غيرك .. هتسبني زي ماما وكمان انا مش زعلانه منك 
عبدالله بدموع مافيش وقت يا بنتي روحي لكريم بيه هو اللي هيساعدك ويقف جانبك ... 
ثم تركها ورحل الي العالم الذي سيذهب فيه كل منا ولكن للاسف دائما ننساه ونظن بأننا سننعم بالدنيا دائما. 
فرح پبكاء شديد لاء يابابا كده هتسبني لوحدي .. طيب انا هعيش ليه ولمين ...ثم صړخت صرخه رجت كل ارجاء المشفي.
وكانت لاول مره تنظر لها كريمه بأشفاق ..
............
مرت أيام العزاء بثقل شديد .. كانت دائما حبيسة غرفتها لا تتحدث مع احد .. كانت كل ما تفعله تصلي وتقرء القراءن. 
مي وهي تشفق علي حال صديقتها ده امر ربنا وانتي انسانه مؤمنه وراضيه بقضائه
فرح بدموع انا راضيه والله راضيه بس الفراق صعب .. ماما راحت وبابا برضوه .. عارفه انا عمري ماكرهته هو برضوه كان حنين اووي بس كان بيضطر يجي عليا عشانها عشان متفضلش تعكنن عليه حياته ... مكنتش بزعل المهم هو يكون مرتاح بس خلاص هو راح
وسبني لوحدي 
مي وهي تحتضن صديقتها ادعيله يافرح .. وخليكي قويه ربنا مبينساش حد وكمان فين كلامك عن الصبر والتحمل .. هاا
فرح بدموع الحمدلله 
...........
_ بتقول إيه عمي في المستشفي انا جاي حالا..
قاد كريم سيارته باقصي سرعة يفكر ماذا سيحدث له إذا تركه ايضا عمه ورحل ... 
_ ها يادكتور عمي ماله
الطبيب استاذ كريم انا قولتلكم مليون مره بلاش اجهاد على صحته القلب مش مستحمل .. هو دلوقتي في العنايه المركزه ولو مرت ال 48 ساعه علي خير .. يبقي عمك اتكتبله عمر جديد .. لان المرادي بجد الحاله متاخره... ثم تركه الطبيب وذهب
كان يقف أمام غرفته وينظرإليه من وراء الزجاج . عمه كان دائما حنون عليه كان مبثابة الاب .. بل الاب حقا .. فوالده كان دائم السفر اما عمه كان دائما معه يرعاه مثل ابنه تماما .. حتي انه كتب كل ما يملكه له واصبح هو الوريث الشرعي لتلك الامبراطوريه الضخمه ولكن هل للمال فائده ما دام من نحبهم يتركونا ..
عمر وهو يربت علي كتف صديقه طمني ياكريم اخباره ايه دلوقتي
كريم للاسف الحاله متأخره 
نظر عمر إلى صديقه واكتفى بالصمت.
............
مضي اسبوع علي ۏفاة والد فرح
كريمه پقسوه إيه هتفضلي كده .. لو فكره اني هصرف عليكي انسي انا كفايه عليا بنتي وكمان المعاش بتاع ابوكي عباره عن ملاليم يعني مش هيكفينا .. ف زي الشاطره تدوريلك علي شغل ..ثم قالت بصوت خاڤت ولكن سمعته
فرح عقبال كمان ما تغوري من البيت داهيه تاخدك زي ابوكي
فرح پانكسار انا اصلا كنت نزله أدور علي شغل
كريمه وهي تجلس علي الكرسي امام ماكينة الخياطه شاطره .. هو ده اللي لازم تعمليه 
ذهبت فرح وأخذت تبحث عن عمل ولكن لا يوجد ..فهي مازالت طالبه. جلست على احدى الارائك بتعب ثم بدأت تتذكر بعض لحظاتها مع والديها
فلاش باك !
حلوه اووي العروسه ديه يابابا .. ثم ركضت 
عبدالله بحنان عجبتك ياحببتي 
فرح بحب ايوه يابابا جميله اوووي
زينب بتعب والدة فرح ليه بس ياعبدالله كده مكنتش جبتها شكلها غاليه وصرفت كل الفلوس اللي معاك
عبدالله وهو يقترب من زوجته ويقبل رأسها بحب هو إحنا عندنا كام فرح .. وكمان جبتلك الدوا اه .. اصل احمد بيه ربنا يكرمه ادانا مكافأه بسبب نجاح مشروع كده 
زينب ربنا يخليك لينا يارب
باك... 
كانت تتذكر وتبكي في صمت فقد رحلوا من كانوا هم كل الحياه لها.
فبعد ۏفاة والدتها قد تغير كل شئ بحياتها .. أصبح والدها دائما مهموما .. ثم تزوج كريمة ..التي رشحها له أحد اصدقائه 
فلاش باك !!
كريمه بدلع اكيد ياحبيبي فرح ديه زي بنتي ياسمين بالظبط متقلقش هخلي بالي منها كويس ..
عبدالله بأطمئنان وهو يذهب لعمله بعد ان تزوج كريمة ربنا يخليكي لينا ....عايزه حاجه اجيبهالك وانا راجع
كريمه شويه خضار
بعد ان تركها عبدالله وخرج .. ياماما البت ديه خدت العروسه بتاعتي
فرح والله العروسه ديه بتاعتي انا
كريمه پحده وهي تمسك فرح من شعرها مش عايزه اسمع صوتك فاهمه .. يلا انجري اعمليلي شاي
فرح بدموع بس انا مبعرفش اعمل 
كريمه بغلظه يبقي تتعلمي ..ثم نظرت لابنتهاا المدلله تعالي ياحبيبت ماما ... وخدي العروسه اه
كانت فرح تقف وتنظر عليهم وهي تبكي بصمت كانت تراها تحتضن ابنتها بحب .. اما هي بدأت معاناتها ... من كل شئ من إهانه وضړب حتي انها حرمتها ان تعيش طفولتها ..
افاقت فرح من ذكرياتها تلك ومسحت دموعها وذهبت لتكمل بحثها عن عمل مره أخري ...
.....
_ معلش ياحبيبي مكنش ينفع أخرج الفتره اللي فاتت اصل جوز ماما ماټ
شادي بزعل مصطنع ده انتي حتي التليفون مكنتيش بتردي عليا.
ياسمين وهي تقترب منه بدلال خلاص بقي متزعلش ... هاا بقي هتعزمني فين انا المود بتاعي زي الزفت 
شادي وهو يفتح باب السياره لها في المكان الي تختريه
.............
_ ايه يابنتي مبترديش علي تليفونك ليه
فرح بتعب معلشي يا مي مكنتش سمعاه
مي انتي فين اصلا شكلك بره البيت
فرح اه انا بدور علي شغل
مي باشفاق هاا طيب لقيتي 
فرح للاسف عايزين حد عنده خبره
مي طيب انتي فين وانا اجيلك
وصفت لها فرح المكان وذهبت لها مي 
........
_ هاا يادكتور عمي اخباره إيه دلوقتي أنا ممكن اسفره امريكا بطياره خاصه 
الطبيب صدقني يا أستاذ كريم ..مافيش حاجه
هيعملوها اكتر من اللي احنا هنعملها .. ادعيله إن ال 48 ساعه تعدي علي خير .. ثم تركه وانصرف
....... 
مي هتعملي ايه دلوقتي .. 
فرح مش عارفه يامي.. أنا موافقه علي اي شغلانه مش مهم
ثم بدأت تتذكر عندما قال لها والدها أن تذهب لشخص أسمه كريم 
فرح بابا قبل ما ېموت قالي اروح لصاحب الشركه اللي كان بيشتغل فيها
مي وقاعده من الصبح تلفي طيب يلا تعالي نروح
فرح يعني هما اللي هيوافقه بيا ...
مي يابنتي اكيد باباكي الله يرحمه كان واثق ان الشخص ده هيساعدك عشان كده قالك عليه .. وتعالي نروح مش هنخسر حاجه
مي إيه ده ديه من اكبر شركات الاستثمار في الشرق الاوسط
فرح انا بقول نروح احسن
مي يابنتي يلاا بقي أنا متفائله خير وكمان أه حتي تسألي عن أجراءات معاش باباكي هتاخديه أمتى
_ ممكن لو سامحتي اقابل استاذ كريم
السكرتيره وهي تنظر لها ببرود عندك مقابله معاه يا انسه
فرح لاء يافندم
السكرتيره اولا استاذ كريم مش موجود .. ابقي تعالي بعد اسبوع
مي پحده اسبوع ليه .. احنا عايزين نقبله ضروري وهما خمس دقايق
السكرتيره اسفه يا انسه .. اتفضلي لو سامحتي عندنا شغل
في هذه اللحظه دخل كريم الي مكتبه .. وهمت رندا بالوقوف
رندا بابتسامه حالا واوراق المناقصه هتكون عندك يافندم
فرح استاذ كريم ممكن دقيقه لو سامحت
كريم وهو ينظر إليها فقد كانت فتاه يكسو الحزن ملامحها. 
تعالي ورايا ثم نظر إلى راندا وقال عايز ورق المناقصة حالا
دخلت رندا ومعها فرح ..اخذ كريم الورق من رندا
كريم اتفضلي انتي يا رندا 
نظرت رندا لفرح باشمئزاز وحقد ثم تركتها وذهبت
كريم وهو ينظر في الاوراق وقد نسي امرها تمام
فرح لو حضرتك مش فاضي ممكن أجي لحضرتك في وقت تاني
كريم أسف معلش ...خير انتي كنتي بتقولي عايزاني في حاجه
فرح وهي تنظر للارض انا بنت عم عبدالله .. هو قالي قبل ما ېموت اني اجيلك .. يعني حضرتك ممكن تساعدني اني الاقي شغل 
كريم بنبرة مشفقة البقاء لله .. عمي عبدالله كان راجل عزيزعليا اتفضلي اقعدي واقفه ليه
فرح لاء كده كويس 
كريم بأبتسامه طيب أنتي متخرجه ولا لسا بتدرسي
فرح لاء لسا بدرس .. أنا في تالته تجاره
كريم مممممممم خلاص تمام يافرح هاتي اوراقك بكره وأعتبري نفسك أتعينتي 
فرح بأبتسامه كل الاوراق اللي حضرتك هتحتاجها أه
كريم وهو ينظر للاوراق مممم شكلك شاطره تقديراتك كويسه جدا ... تمام يبقي من بكره هتبتدي شغل يعني هيكون تدريب ليكي 
فرح بجد متشكره اووي لحضرتك 
كريم متشكرنيش عم عبدالله كان عزيز اووي عليا ..وزعلت جدا لما سمعت خبر ۏفاته 
تركته فرح وخرجت وهي تشعر بأن مازال في الحياه أشخاص رائعين مثل كريم .
مي بفرحه يعني هتشتغلي
فرح بأبتسامه أه ومن بكره ... كانت تنظر عليهم راندا بغيظ 
..........
محمود بتعب كريم لازم تنفذلي وصيتي قبل ما أموت .. لو بتحبني أتجوز ياكريم 
كريم طيب قوم أنت بس بسلامه وانا هعملك كل الي عايزه
محمود الوقت بيعدي ياكريم ..ومين عالم لو عشت النهارده وبكره هعيش اكتر من كده ... عايز افرح بيك
في هذه اللحظه جاء الطبيب استاذ كريم كفايه كده لو سمحت
كان ينظر له محمود برجاء .. ثم تركه كريم وذهب وهو لا يعلم ماذا سيفعل.
هل سيحقق لعمه هذه الأمنيه التي يلح عليها ام لا..
.
_ مالك مهموم كده ليه ياصاحبي
كريم وهو يسند ظهره علي سيارته ... وينظر بشرود الي ما أمامه
مش عارف ياعمر ... خاېف أنفذ وصيه عمي وأظلم الانسانه اللي هرتبط بيها .. لان أنا بجد مش مستعد أرتبط بحد واتوجع تاني انا ارتبط بسلمي عشان رغبة عمي ووصيه بابا الله يرحمه ..بس ارتبط بحد تاني انا لسا لحد دلوقتي مش قادر انسي الۏجع الي جوايا منها
عمر بتنهيده يا ياصاحبي انت لسا فاكرها ده انا قولت نسيتها من زمان .. والمفروض تنساها علي هي عملته فيك الهانم كانت بتمثل عليك الحب وكل ده عشان فلوسك ومركزك 
كريم بأسي مين قالك أني فاكرها .. ديه أكتر أنسانه أنا بحتقرها بس الچرح اللي سببتهولي مش قادر انساه وانساه إزاي ولسا كلامها اللي من سنين بيتردد في ودني
فلاش باك !!
في أحدى الحفلات الراقيه ..
عمر مش ديه نور اللي بترقص 
كريم پصدمه وهو ينظر عليها وعلي
ملابسها الشبه عاړية وهي ترقص في ن شخص اخر
نور بدهشه كريم ... انا
كريم
بأحتقار انتي ايه بالنهار أنسانه محترمه وبالليل حاجه تانيه خالص .. مكنتش فاكرك أنك بالحقاره ديه
نور بذله لسان عندما لاحظت الكل ينظر عليها ديه