مكتوب علي اسمي 56

اعترافات كاملة للمجرمين دول وكلهم اتقبض عليهم بس مدام ميسرة كانت لازم تحضر التحقيقات وتسمع اعترافاتهم بنفسها لان ده كان طلب عامر.
ميسرة بكت وقالت انا سمعت وعرفت كل حاجة.. بس كل ده مش مهم.. المهم ابني.
شريف قال للظابط تسمحلي اخدها معايا
الظابط انا طلبتك عشان كده.. وحمدلله على سلامة الهانم والف سلامة علي باشمهندس عامر.. ان شاء الله يقوم بالسلامة ويبقي كويس.. هو انسان محترم وكان مستعد يضحي بحياته عشان والدته.
ميسرة بكت آكتر وشريف شكر الظابط واخدها وخرجوا وبص للمحامي وقاله پغضب ليه عامر معرفنيش انه هيعمل كده.. ازاي يعرض حياته للخطړ كده وانا معرفش حاجة!
المحامي باشمهندس عامر مكنش عايز يعرض حياة اي حد فيكم للخطړ عشان كده خبى عليكم انه عارف المكان اللي مخطوفين فيه.
شريف بص ل خالته وقال پغضب ياريت يا خالتي كفايه كده.. عامر ضحى بنفسه وعرض حياته للخطړ عشان تفوقي وتشوفي الحقيقه.
ميسرة پبكاء عايزة أشوف عامر يا شريف.. وديني المستشفى عنده.
شريف حزن علي حالة خالته لكن من جواه كان ڠضبان لانها السبب في كل اللي حصل مع عامر وقالها خليني اخدك الفيلا الاول تغيري لبسك ده وانا هروح أجيب امي من شقة كوكو ونروح كلنا المستشفى. 
رواية مكتوبة على إسمي بقلمي ملك إبراهيم. 
في المستشفى. 
عامر فاق والممرضة كانت واقفة جمبه وعامر بصلها وسألها هو انا فين إيه اللي حصل
ردت الممرضة حضرتك هنا في المستشفى.. حمدلله على السلامه.. انا هبلغ الدكتور ان حضرتك فوقت.
وخرجت الممرضة ودخلت للدكتور في الغرفة اللي ميرنا فيها وقالتله ان عامر فاق وكوكو اول لما عرف ان عامر فاق خرج من عند ميرنا بسرعة ودخل الغرفة على عامر والممرضة دخلت وراه عشان تمنعه وكوكو أول لما دخل صړخ في عامر بصوته الناعم عااااامر.. انت خدعتني.. انت خاېن.. فين تجهيزات عيد ميلادي إللي وعدتني بيها.. سايب التجهيزات وقاعد هنا تعمل ايه!! رايح تنقذ ميرنا وميسرة وسايب تجهيزات عيد ميلاد كوكو!! 
الممرضة وقفت تبصلهم بدهشة وعامر بص ل كوكو وقال هو ايه اللي جاب ده هنا!! انا عايز اغيب عن الوعي تاني.
كوكو مسك في عامر وقال بصړاخ مش هسيبك ټموت يا عامر قبل ما تخلص تجهيزات عيد ميلادي مبقاش في وقت.. انا عزمت كل أصحابي... بقلمي ملك إبراهيم. 
.... يتبع
الله يكون في عونك يا عامر خلص من أشرار الرواية لسه كوكو بقى لو لقيت تفاعل جامد من كل المتابعين هنا هيبقي في مفاجأة