سكريبت انت الهدى

وقالت_ عندي وهتريحك دي بنت ناس ولو لفيت الدنيا مش هتلاقي زيها.
كنت وقفه ورا الباب وكنت مبسوطه وقلت _ تسلميلي يا ست الكل والله.
وسمعته بيسألها_ ومين دي يا خالتي
ردت ماما بما صدمني_ بنت عمك فتحي اللي ساكن تحتينا ادب وجمال وشطاره مفيش بعد كدا
كشرت وقلت_ بقا كل دا يطلع منك يا ست الكل دا انا بنتك والله حتى تمام
بس الغريب إن أدهم موافق عادي ولو هو مفكرني أني هقعد أعيط واتفرج عليه وهو بيضيع مني دا يبقى عندها.
طلعت وسألت_ ايه دا يا جماعه مين هيتجوز
رد ادهم وقال_ لا مش جواز مرا واحده انا هروح واقعد معاها ولو في نصيب يبقا خير وبركه لو مفيش يبقى خلاص.
رضوي_ اه وماله يلا علشان الفجر بيأذن.
قمنا نصلي وأنا بدعي ربنا انه يكون من نصيبي دي دعوه 18سنه اكيد ربنا هيستجاب
تاني يوم
رضوي_ ماااااما انا عايز اجيب لبس العيد
ماما_ انا معنديش ركب امشي وراكي في المحلات روحي خدي ادهم بعد الفطار وهات اللي انت عايزاه
رضوي_ اخس عليا يا ست الكل بس الف سلامه لا اخد ادهم اكيد
طلعت وخبطت فتحلي الباب وهو باصص في الفون ودخل فقلت له_ ماما بتقولك تعاله معاي نجيب لبس العيد علشان هي تعبانه.
ادهم_ لازم يعني لبس عيد.
رضوي_ اه لازم
ادهم_ ماشي يا ستي خمس دقايق البس بس انا مش عارف هخلص منك امتا
ابتسمت وقلت_ علي قلبك يسطا العمر كله.
ماشيين في الشارع وهو ماسك ايدي وباصص في التليفون الظاهر كدا خاېف عليه اتوه 
دخلنا محل وقست فستان وطلعت سألته _ حلو دا
رفع عيونه من التلفون وبص لي نظره سريعه _لا ضيق
ورجع بص في الفون تاني
رضوي _يوووه لا حلو وعجبني.
قفل التلفون وشاله في جيبه وبصلي بتحدى وقال _ لا ضيق يا رضوى لو جبتيه شوفي مين هيخرجك يوم العيد..
رضوي_ يووووها انت بتستغل عشان ماما مش بترضه تخليني اخرج يوم العيد غير معك.
ادهم _اه ويلا اتمسي.
ادنائة جيبلي كسوت العيد ادنائة ايوه انا كان نفسي في ادنائة بس مش كسوه العيد.
ادهم _مالك
رضوي_ مفيش.
لقيته ابتسم ومسك ايدي علشان نعدي
الشارع.
ادهم _تعالي
تعالي بس
هو عارف يصلحني ازي
رضوي _عارف يا ادهم احلى حاجه في ايس كريم المانجا ما فيهوش بذر
بصلي بقرف ورجع بص قدمه.
ياااها ولله الجو جمل انت واللي بتحبه مشين في الشارع بعد الفطار وايس كريم وماسك ايدي..
مسكت الايد لانه اتعود من واحنا صغيرين كل ما كانت ماما تبعتنا نجيب طلب من تحت يمسك ايدي خلاص بقت عاده عنده انا عارفه دلوقتي انه ماسك ايدي ويمكن مش واخد باله....
رضوي_ هو انت عايز تتجوز بجد
ادهم _عادي
رضوي_ ايه هو الي عادي
ادهم _مش فارقه اوي معايا الموضوع دا يعني انا بس فكرت في كلام خالتي لاني فعلا محتاج واحده بدل ما انا متقل عليكم وعلى طول شيلين همي
_متخلف.. قلتها في سري وسكت.....
وقفت فجاء قدم الجامع اللي جنب البيت لقيته بصلي وسألني_ قفتي ليه.
رضوي _بقولك ايه بما ان العشاء فاتنا ادخل صلي هنا وانا هاروح اصلي في البيت
ادهم_ اصليه بكره انا تعبان دلوقتي.
رضوي_ هما خمس دقايق متبقاش كسلان يا ادهم ويا عم مش ضروري تصلي التراويح صلي العشاء بس
ادهم_ اوووف خلاص يا رضوي روحي انتي. 
رضوي_ ايه رايك يا ماما حلو
ماما _زي القمر يا حبيبتي.
رضوي_ علي فكره يا ماما ادهم اللي دفع تمنه ومرضيش يخد مني فلوس
ماما _ خلاص مش مشكله هتشوفه انا
قالتهالي وهي عماله تلف في الشقه بتدور على حاجه
رضوي_ بدوري علي اي يا ماما
ماما _ الجزمه بتاعتي ما شفتهاش
فضلت الف قدم