ۏجع حنين لريحانة الجنة

حتكلمك لوحدها 
يوسف يومين ايه تاني ده من من يومين بس حموت
مش مستحمل بعدها عني بس تعرف يا أمير انا كل يوم بحب حنين اكتر واحترمها اكتر علي قد ما زعلت انها بتمنع نفسها عني علي قد مااحترمتها اكتر وكبرت في عيني اكتر 
أمير طيب بقولك ايه تتصل بباباها وتشوف ايه الاخبار اكنك يعني بتطمن عليها ما هو ميعرفش انك بتكلمها ولا تشوفها 
يوسف فكرة بس تفتكر هي ممكن تكون قالتلوا حاجة علي اللي حصل 
أمير لا ما أعتقدش اصلها لو كانت قالتلو كان هواتصل بيك وادهملك يا معلم 
يوسف معاك حق استني كدة لاسف تليفونه مقفول 

أمير خلاص روحلهم البيت عادي 
يوسف مفيش قدامي الا كدة انا خلاص حتجنن
يوسف راح بيت عبد الرحمن وخبط كتير محدش بيرد قلقك اكتر وهو جاي يمشي لقي علي خارج من الاسانسير 
علي يوسف اهلا ازيك 
يوسف الله يسلمك اومال بابا وماما فين بتصل ببابا وبخبط محدش بيرد
علي تعالي بس ندخل وانا حقولك كل حاجة 
علي اتفضل يا يوسف 
يوسف في ايه يا علي قلقتني 
علي اصل بابا تعب وجاتلو غيبوبة سكر ودخل المستشفي 
يوسف يا نهار ابيض امتي ده حصل 
علي امبارح بالليل ومن ساعتها واحنا كلنا انا جيت بس علشان اخدلهم شويه حاجات
يوسف طيب شوف حتاخد ايه علشان اجي معاك اطمن علي بابا وماما 
علي طيب ثواني مش حتاخر
في المستشفي 
علي اتفضل يا يوسف 
حنين اول ماشافت يوسف قلبها دق اوي علشان كان واحشها ونفسها تشوفه وتسمع صوته بس كانت زعلانه لكن اول ماشفته نسيت كل حاجة 
يوسف ازيكم يا جماعة الف سلامة علي بابا انا والله اول ما عرفت جيت مع علي علي طول قوليلي يا ماما عاملة ايه 
خديجة بټعيط حموت يا يوسف عنك تعبان قوي قلبي وجعني عليه 
يوسف متقلقيش ان شاء الله حيقوم بالسلامة وتتشاقوا يا حجوج وليكي عليا ححجزلكم شهر عسل
واخليه يقولك كلام حلو وانا اللي ححفظو ايه رايك 
خديجةضحكت يجزيك يا يوسف ضحكتني 
يوسف ايوة كدة اضحكي خلي الشمس تنور ادعيلوا انتي بس وان شاء الله ربنا حيطمنا طيب استاذن انا بقي 
خديجة ما انت قاعد يا حبيبي ده انت قاعدتك ميتشبعش منها 
يوسف معلش يا حجوج حبقي اجيلك تاني 
علي يا ابني استني بس حروح اجبلك قهوة ولا حاجة 
يوسف يا عم انامش جاي اتضايف احنا في مستشفي وكمان علشان تخدوا راحتكم وان شاء الله حاجي بكرة واطمن علي بابا علي معلش هو انا ممكن اقول ل حنين حاجة
برة 
علي اه طبعا ممكن تعالي يا حنين شوفي يوسف عايز ايه 
عمار لا طبعا هي سايبة ولا ايه ميقول هنا وهما في بينهم اسرار 
خديجة عمار اتلم مكفكش اللي حصل روحي يا حنين شوفي يوسف 
يوسف وعمار مش طايقين بعض وبينهم نظرات غل وكل واحد نفسه يمسك في خناق التاني 
يوسف وبعدين حتفضلي زعلانة مني كتير كدة 
حنين انت شايف ايه 
يوسف شايف اني بحبك ومش قادر علي بعدك وحموت منغيرك 
حنين ابتسمت طب اتلم لعمار يسمعك ويعملنا مشكلة 
يوسف انا مش عارف الواد ده مش طايقني ليه حكاية انه صيدلي دي خالتوا عامل زي الحقنة 
حنين هههههههههه والله هو قلبه طيب لما تتعود عليه حتحبوا 
يوسف وانا مالي انا اللي يهمني قلبك انتي وعايز اتعود عليكي انتي وحشتييييييني يا بنت اللذين 
حنين وانت كمان 
يوسف ايوة بقي ردي فيه الروح ده انا كنت مېت من غيرك 
حنين طيب يلا بقي امشي احسن يقلقوا ويقعودوا يسالوني 
يوسف خلاص ماشي
بس ابقي افتحي التليفون علشان اتطمن عليكي
حنين حاضر بس مش فون حيكونوا قاعدين ومش حعرف اتكلم
يوسف خلاص حكلمك علي الواتس اوك 
حنين اوك يلا بقي امشي 
يوسف مشي و حنين دخلت الاوضة 
عمار ايه كل ده كان عايزك في ايه بقي ان شاء الله 
حنين اولا انا متأخرتش وبعدين هو كان بيسألني اذا كنا عايزين حاجة ولا لا 
عمار ليه وهو شايفنا شاحتين 
علي فيه ايه يا عمار الراجل بيسال مفيهاش حاجة 
حنين وبعدين انا قلتلوا ان احنا مش محتجين حاجة ده سؤال مش اكتر
عمار انا مش عارف هو اصلا ايه اللي جابه 
حنين انا بجد مش فاهمة انت ليه كارهوا اوي كدة هو كان عملك ايه 
عمار انا مش طايقوا ده واحد هلاس وبتاع
ستات وكل يوم مع واحدة 
حنين انت كداب يوسف مش كدة 
عمار كداب بتكدبيني يا حنين علشان ده طب ايه رأيك بقي انا سالت وعرفت انه بتاع ستات ومفيش واحدة بتدخله المعرض غير لما بيعلقها وكمان عامل هنا ك اوضة وبيجيب فيها ستات 
حنين عيطت بس بقي اسكت مش عايزة اسمع حاجة 
علي وبعدين يا عمار ماتسكت بقي يا اخي مكفكش اللي عملته في ابوك جاي تكمل علي اختك
عمار ما انا كلامي مش علي هواكم 
خديجة بقولك ايه يالا امشي روح شوف مراتك وولادك 
عمار ماما انتي 
خديجة ولا كلمة امشي
بقولك 
بعد شوية حنين هديت وكمان كان معاد الزيارة قرب يخلص 
علي يلا علشان
اروحكم وارجع لبابا
حنين لا يا علي روحوا انتوا وانا قاعدة مع بابا انا حبات معاه
عليازاي بس روحي انتي ارتاحي 
حنين حروح اعمل ايه روح انت شوف سلمي والولاد من امبارح مروحتش وروح جيهان وماما معاك جيهان متخليش ماما تبات لوحدها 
جيهان لا متخفيش حخودها تروح معايا 
علي طيب مش عايزة حاجة قبل ما نمشي 
حنين لا يا حبيبي شكرا مش انت جبتلي الحاجات اللي قلتلك عليها من البيت 
علي اه كل حاجة طيب انا حروح اشوف الدكتور وارجع
يوسف بيكتب ل حنين 
يوسف روح قلبي عاملة ايه روحتي 
حنين الحمد لله لا مروحتش انا حبات مع بابا وهما حيروحوا وانا قاعدة معاه 
يوسف لوحدك ازاي
حنين عادي دي مستشفي ماليانة ناس 
يوسف وهما حيمشوا امتي 
حنين يعني نص ساعة كدة 
يوسف اوك خلاص لما يمشوا كلميني علشان اطمن عليكي 
حنين حاضر سلام
مشي علي وخديجة و جيهان و حنين كلمت يوسف واطمن عليا والوقت اتاخر وجه الدكتور وشاف باباها 
الممرضة بصي يا مدام المحلول ده قدامه كدة ساعة ونص ويخلص لو اتاخرت عليكي ابقي اقفلي الكلونة واندهيلي 
حنين حاضر بقولك ايه هو الدكتور حيمر تاني 
الممرضة لا خلاص الصبح بقي 
حنين اصل بصراحة من الصبح بالبس ده والنقاب عايزة اغير هدومي وخاېفة حد يجي فجأة 
الممرضة لا متقلقيش غيري براحتك الدكتور خلاص مشي ومش حجي غير الصبح وحتي لو جه انا حبقي معاه وادخلك الاول 
حنين متشكرة اوي ليكي حتعبك 
الممرضة ولا تعب ولا حاجة انا تحت امرك 
دخلت حنين الحمام وغيرت هدومها ولبست بيطامة كات و بيرمودة وفكت شعرها علشان كانت مصدعة من النقاب طول
النهار وظبتط المنبه علشان المحلول بتاع بابها وقعدت علي الكنبة وبتفكر في كلام عمار عن يوسف وهي قاعدة راحت في النوم في الوقت ده يوسف جاب عشا ل حنين وبعلاقاتوا طبعا قدر يدخل المستشفي في وقت متاخر كدة وفي غير معاد الزيارة ووصل عند الاوضة وخبط بس محدش رد قلق يوسف ليكون حصل حاجة فتح الباب ودخل وقفله وراه وبص لقي حنين قاعدة وراحة في النوم بس مصدقش نفسه لما شافها اول مرة يشوفها من يوم الرؤية
وكمان لابسة كدة وشعرها اللي عمره ماشافه لقاه لونه احمر جميل وطويل وناعم 
يوسف حط الاكل وقعد جنب حنين وهو بيتامل شكلها وكل تفصيلة فيهاوملس علي شعرها اد ايه ناعم وطويل كان حاسس انه مش متحمل نفسة في بس خاېف رجع يوسف ظهره وحط ايه علي راسه بيحاول يمسك نفسه وميغلطش في الوقت ده حنين كانت راحت في النوم اوي من التعب ومالت علي يوسف وبقت تقريبا في يوسف قلبه دق لما مالت عليه حاول يمنع نفسه بس مقدرش و شوية مش قادر يبعد عنها بس افتكر انها لوصحيت وشافته حتزعل وهو ماصدق صالحها خرجها ونيمها علي الكنبة 
قام يوسف واخد الاكل معاه وخرج وهو خارج الممرضة شافته خارج من الاوضة 
الممرضة هو مش حضرتك اللي كنت هنا الصبح وواقف مع المدام 
يوسف اه انا ليه في حاجة 
الممرضة هو حضرتك جوزها 
يوسف معرفش
يقولها ايه اه اه جوزها 
الممرضة بس وقت الزيارة عدي من بدري 
يوسف طلع مبلغ محترم واداهلها متقلقيش الامن تحت عارف اني هنا خدي ول 
الممرضة لا والله انا مش عايزة حاجة
يوسف معلش انا بس عايزك تخلي بالك من المدام لو عازت منك حاجة 
الممرضة حاضر من عنيا متقلقش عن اذنك 
يوسف فضل واقف قدام شباك برة الاوضة وبيفتكر شكل حنين وهي نايمة واد ايه كانت حلوة واتنهد يوسف تنهيدة طويلة اه يا حنين امتي بقي اقدر من غير مااخاف 
ليه بس كدة يا عمي ده وقت تعب ده حرام عليك انا مش قادر اصلا
وعدت الساعة ونص والمنبه رن
الحلقة العشرون 
وعدت الساعة ونص ورن المنبه بتع حنين اللي كانت ظابطاه علشان باباها وصحيت حنين لقت نفسها نايمة علي الكنبة 
حنين اه يا دماغي مش قادرة ايه الصداع ده هو انا نمت ازاي انا كنت قاعدة
قامت حنين وقفلت الكلونة للباباها ولبست هدومها ونقابها وخرجت تنده للممرضة واول ما خرجت لقت يوسف قاعد جنب الاوضة وساند رايه علي الحبطة ونايم حنين فرحت لما شافته وبصت علبه وهو نايم 
حنين شكلك حلو اوي وانت نايم وكمان هادي لكن وانت صاحي مچنون بس بحبك يوسف 
يوسف حطت اديها عليه وصحته تاني يوسف 
يوسف صحي ومسك ايديها وقام حبيبتي عاملة ايه 
حنين كويسة ممكن تسيب ايدي 
يوسف قرب منها حسبها ولواني مش قادر بس علشان خاطرك 
حنين انت ايه اللي جابك هنا وازي دخلوك في الوقت ده 
يوسف اول ما عرفت انك حتباتي لوحدتك خفت عليكي بصراحة قات لازم اجي ومسبكيش لوحدك وكمان كنت جايبلك عشا علشان نتعشا سوا انتي اكيد ما اكلتيش حاجة من الصبح 
حنين طيب ليه ماخبطش 
يوسف ايه ااالا خبط بس محدش رد خۏفت ادخل 
حنين الحمد لله انك مدخلتش كانت تبقي مصېبة 
يوسف حط ايده في
جيبه وابتسم مصېبة ليه بقي
حنين علشان اااا يعني
كنت نايمة من غير النقاب 
يوسف وابتسم زيادة النقاب بس 
حنين ااا مقولتليش دخلوك ازاي 
يوسف ههههه دي حاجة سهلة علي فكرة عادي تليفون واحد عملتوا الامن فتحلي البوابة علي طول 
حنين اممم استغلال نفوز يعني 
يوسف ههههههههه تقدري تقولي كدة بس قوليلي انتي كنتي راحة فين 
حنين كنت رايحة للممرضة علشان تغير لبابا المحلول 
يوسف لا خليكي انتي انا حروح اندهلها بس انتي مالك شكلك تعبان
حنين لا بس مصدعة شوية من قلة النوم 
يوسف طيب اقعدي ارتاحي وانا حندهلها علي طول 
بعد شوية الممرضة جات لوحدها من غير يوسف 
الممرضة علي فكرة جوز حضرتك ده ابن حلال اوي وكمان كريم جدا 
حنين جوزي 
الممرضة ايوة مش اللي جه ندهلي ده جوزك 
حنين ااااه اه جوزي بس ليه بتقولي كدة 
الممرضة اصله بصراحة اداني مبلغ كبير والله انا قلتلو ملوش لزوم بس هو اللي صمم وقالي اخلي بالي منك شكله بيحبك اوي 
حنين متشكرة هو فعلا كريم